RÝMI - X
Verkefnið RÝMI - X stendur fyrir rými til sköpunar.
Creatrix vill búa til vettvang þar sem einstaklingar geta tekið þátt í fjölbreyttri skapandi vinnu og samtali. Við viljum bjóða upp á hvetjandi samveru og viðburði sem styðja við skapandi hugsun og nýsköpun.
Með því að tengja saman einstaklinga, fyrirtæki, mennta- og menningarstofnanir reynum við að efla staðbundna þátttöku í fjölbreyttri skapandi vinnu sem vonandi leiðir til aukinnar samfélagslegrar nýsköpunar, fjölgar tækifærum í skapandi greinum, eflir staðbundna menningu og býr til nýja reynslu og þekkingu.
STAÐSETNING RÝMI - X
RÝMI – X er ekki staðsett í einu húsnæði heldur stendur X fyrir breytilega möguleika eftir þörfum hverju sinni.
RÝMI – X er stundum í samstarfi við KVIKUNA í Menntaskóla Borgarfjarðar í tengslum við verklega vinnu, námskeið og skapandi samveru. RÝMI - X getur líka verið staðsett í menningarstofnun, vinnustað, félagsheimili eða úti í náttúrunni.
